Döş- ýaýjyk, akromial-ýaýjyk we çigin bogunlary. Anatomage 3D enjamynda amaly sapak.

Döş-ýaýjyk bogny (articulatio sternoclavicularis) döş süňküniň ýaýjyk gädigi we ýaýjyk süňküniň döş soňy bilen emele gelýär (205-nji surat). Bu bogun ýönekeý bogunlara (articulatio simplex) degişli. Bogun üstleri birleşdiriji dokuma ketirdewügi bilen örtülen, bogunüstleri inkongruent, köp ýagdaýlarda eýer görnüşinde bolýar. Bogun üstleriniň bitekizligi bogun boşlugynda ýerleşýän bogun diski (discus articularis) arkaly tekizlenýärler. Bogun kapsulasy berk bolup, ol süňkleriň bogun gyralary bilen birleşýär. Bogun boşlugy bogun diskiniň kömegi bilen iki sany biri-biri bilen aragatnaşykda bolmaýan aşaky medial we ýokarky lateral bölege bölünýär.

Ýüklemek | 32

Sapak faýllary