Kesgitle – ýaşlaryň hünär ýoluny anyklamak, bilim derejesini ýokarlandyrmak we täze ukyplary ýüze çykarmak maksady bilen döredilen innowasion online platformadyr. Häzirki wagtda platformada “Hünär synaglary”, “Bilim synaglary” we “Makalalar” ýaly esasy bölümler işjeň hereket edýär.

“Hünär synaglary” bölümi – okuwçylaryň we ýaşlaryň geljekde haýsy ugurda üstünlik gazanyp biljekdigini kesgitlemäge kömek edýän ýörite taýýarlanan testlerden ybaratdyr. Bu synaglar dünýäde tanalýan psihologik usullara esaslanýar we algoritm arkaly ulanyjynyň başarnyklaryna laýyk hünär ugruny teklip edýär.

“Bilim synaglary” bölümi – dürli ugurlar boýunça taýýarlanan bilim soraglarynyň toplumy bolup, ulanyjylar öz bilim derejesini synap görüp bilerler. Bu bölümiň maksady – öwrenilen maglumatlary berkidip, düşünje derejesini ýokarlandyrmakdan ybaratdyr.

“Makalalar” bölümi – ylmy, terbiýeçilik we täzeliklere degişli materiallaryň ýerleşdirilýän ýeridir. Bu ýerde ulanyjylar bilim dünýäsi bilen baglanyşykly täze makalalary okap bilerler. Şeýle hem mugallymlar we bilermenler öz ýazgylaryny paýlaşyp bilerler.

Platformanyň mümkinçilikleri yzygiderli giňeldilýär we täze bölümler goşulmagy meýilleşdirilýär. “Kesgitle” – bilim almak we geljegi meýilleşdirmek ýolunda siziň ygtybarly ýoldaşyňyz!