Hormat haty we sowgat berilme tertibi

1. Umumy Düzgünler

  • Şahsy hormat haty: Bilim synaglaryndan 70% we ýokary netije gazanan her bir ulanyjy, şahsy kabinetinden awtomatiki generirlenýän elektron Hormat hatyny (.pdf) ýükläp almaga hukuklydyr.
  • Aýlyk Jemleme: Her aýyň netijeleri boýunça iň ýokary görkeziji gazanan 7 ulanyjy (Top-7) we olaryň ýolbaşçylary ýeňiji diýip yglan edilýär.

2. Ýeňijileri Kesgitlemek we Sylaglamak

Bäsleşigiň adalatlylygyny üpjün etmek we täze gatnaşyjylary höweslendirmek maksady bilen sylaglama aşakdaky tertipde amala aşyrylýar:

  • Top-7 Sanawy: Aýyň jemleri boýunça iň oňat netije görkezýän 7 gatnaşyjy saýlanýar.
  • “Täze Zehinler” (Sowgatly we hormat hatly ýeňijiler):
    • Ýaryşlar boýunça öň maddy sowgat almadyk ulanyjylar saýlanýar.
    • Olara “Sowgat we Hormat haty, Mugallymlaryna Minnetdarlyk haty” gowşurylýar.
    • Olaryň saýtdaky derejesi ýokarlandyrylýar, ýagny 1-nji dereje bolýar.
  • “Ussatlar” (Diňe hormat hatly ýeňijiler):
    • Öň ýeňiji bolan ulanyjylar saýtdaky derejesi ýokarlanýar (+1 dereje).
    • Olara “Hormat haty, Mugallymlaryna Minnetdarlyk haty” ugradylýar.
  • Sowgatlaryň ýol puly tölegi:
    • Maddy sowgatlaryň eltip beriş (ýol puly) çykdajylary ýeňijiniň öz tarapyndan çekilýär.
    • Aşgabat şäher içine eltip bermek hyzmaty – 20 manat.
    • Welaýatlaryň islendik etrabyna eltip bermek hyzmaty – 40 manat.

3. "Bilim Mekany 7" Reýtingi

  • Reýting Tertibi: Şol bir bilim edarasynda alnan hormat hatlarynyň aýdaky sany boýunça ýörite reýting çykarylýar.
  • Sylaglama görnüşi: Bu reýting boýunça maddy sowgatlar iberilmeýär, diňe saýtda resmi ýagdaýda bellap geçilýär we sanaw aýdyň ýagdaýda ýerleşdirilýär.

4. Deňlik Ýagdaýlaryny Çözmek

  1. Testi iň gysga wagtyň içinde tamamlan ulanyjy.
  2. Dogry jogaplaryň umumy göterimi.
  3. Saýtda yzygiderli işjeňlik görkezen günleriniň sany.

5. Ýolbaşçylary Sylaglamak

  • Minnetdarlyk Haty: Ýeňijileriň ýolbaşçylary üçin resmi minnetdarlyk haty taýýarlanylýar.
  • Mazmuny: Ýolbaşçynyň bilim ösüşine goşan şahsy goşandy aýratyn bellenilýär.

6. Netijeleriň Yglan Edilişi

  • Möhlet: Aýyň ilkinji 7 iş gününiň dowamynda “Makalalar” bölüminde yglan edilýär.
  • Gowşuryş: Elektron hormat hatlar bilim edaralarynyň elektron poçtasyna ugradylýar, maddy sowgatlar we hormat hatlar, minnetdarlyk hatlar bellenen tertipde ýeňijilere gowşurylýar.

7. Düzgünnamany Üýtgetmek Hukugy

Platforma zerur bolan ýagdaýynda, ulanyjylara öňünden habar berip, şu düzgünnamany üýtgetmäge, kämilleşdirmäge ýa-da doly täzeden gözden geçirmäge hukuklydyr.