Umumy himiýa

Okuw kitabyna ilki bilen maddalary düzýän kiçijik bölejikler barada düşünje we himiki öwrülişiklere düşünmäge kömek berýän kanunalaýyklyklar girizilendir. Soňra himiki taýdan bölünmeýän bölejik bolan atomyň gurluşy berlendir. Munuň özi islendik elementiň atomynyň gurluşyny öwrenmek üçin esasdyr. Şeýle hem elementler we olaryň häsiýeti barada «Periodik kanun we periodik sistema» bapda köptaraplaýyn aýdylýar. Atomy çuňňur öwrenmek üçin ony düzýän ýadronyň gurluşyny bilmek zerurdyr. Ýadronyň gurluşy barada hem kitabyň dowamynda tanşyp bilersiňiz. Maddalary düzýän molekulalaryň gurluşyny öwrenmek hem umumy himiýa kursunyň esasy meselesidir. Şonuň üçin hem sada, çylşyrymly we «kompleks» birleşmelerdäki himiki baglanyşyklar dürli usullaryň üsti bilen degişli baplarda berlendir. Şeýle-de maddalaryň gurluşyny öwrenmegiň fiziki we himiki usullary barada hem giň maglumatlar bardyr. Himiki reaksiýalary energiýa taýdan, şeýle hem şol reaksiýalaryň nähili faktorlara baglydygyny öwrenmek örän zerurdyr. Şeýle bolansoň okuw kitabynda termodinamikanyň we kinetikanyň elementleri barada käbir maglumatlar girizilendir. Örän köp himiki prosesleriň erginlerde bolup geçýänligi üçin erginler we onda geçýän reaksiýalar, ýagny ion çalyşma reaksiýasy, duzlaryň gidrolizi, okislenme-gaýtarylma we elektrohimiki prosesler yzygiderli görkezilendir. Bulardan başga-da organiki birleşmeler barada umumy düşünje berlendir. Himiýanyň öňünde durýan wajyp meselelerinden onuň ähmiýeti, ýagny halk hojalygyna gündelik zerurlygy gelip çykýar. Şonuň üçin hem okuw kitabynyň ahyrynda onuň ulanylýan ýerleri we gazanan üstünlikleri barada käbir maglumatlar getirilendir.

Ýüklemek üçin ilki ulgama girmeli