Türkmen milli oýunlary

Türkmenistanyň Milli sport we syýahatçylyk institutynda taýýarlanylan “Türkmen milli oýunlary” atly usuly gollanmada terbiýäniň ýaş aýratynlyklary göz öňüne tutulyp, başlangyç, esasy orta we umumy orta bilim berýän mekdepleriň okuwçylary üçin çagalar dynç alyş merkezlerinde dynç alýarkalar, şeýle hem mekdepden daşary bilim maksatnamalaryny özleşdirýän çagalaryň okuwdan boş wagtlary oýnaýan türkmen milli oýunlary hödürlenilýär. Adam süňňüniň çeýeligi, çalasynlygy, çaltlygy, çydamlylygy, ugurtapyjylygy, çylşyrymly pursatlardan baş alyp çykarmagy pedagogiki-psihologiki terbiýäniň ahlak, zähmet, estetiki, beden we akyl terbiýesi ýaly görnüşleri bilen içgin baglanyşyklydyr. “Türkmen milli oýunlary” atly usuly gollanmany çapa taýýarlanlar: A.Saryýew, L.Annamyradowa, A.Atanyýazow, H.Nunnaýew, G.Sähedow. Bu usuly gollanma ýaşlaryň, aýratyn hem mekdep okuwçylarynyň tomusky dynç alyş döwründe çagalar dynç alyş merkezlerinde wagtlaryny hoş geçirmekde, hemme taraplaýyn terbiýe almaklarynda ýakyndan kömek eder.

Ýüklemek üçin ilki ulgama girmeli