Geometriýa boýunça başlangyç okuw

Geometriýa kursy guralanda kesgitlemesiz girizilýän esasy düşünjeler sanalyp geçilýär. Bu geometriýa kursunda esasy geometrik düşünjeler hökmünde şu düşünjeler kabul edilýär: nokat, göni çyzyk, tekizlik, uzaklyk. Bu esasy geometrik düşünjelerden başga-da köplük, ululyk, san ýaly umumy matematiki düşünjeler hem ulanylýar. Esasy düşünjeleriň kömegi bilen beýleki geometrik düşünjelere kesgitleme berilýär. Esasy düşünjeleriň häsiýetleri aksiomalarda görkezilýär. Subut edilmezden kabul edilýän tassyklamalara aksiomalar diýilýär. Ondan soňra täze düşünjeler kesgitlenilýär. Kesgitlenen düşünjeleriň esasynda ýene-de täze düşünjeler girizilýär. Olaryň häsiýetleri teoremalar diýlip atlandyrylýan we subut edilýän tassyklamalarda görkezilýär. Teoremalar kabul edilen kesgitlemeleriň, aksiomalaryň üsti bilen subut edilýär.

Ýüklemek üçin ilki ulgama girmeli